कानेपोखरी /मोरङको कानेपोखरी गाउँपालिकामा रहेको आर्दश समाजले रमाइलोमा रहेको जनसेवा माबीको सभाहलमा लागू औषध दुर्ब्यसनी कार्यक्रम गरेको छ।
आदर्श समाजले समाज रुपान्तरणको निम्ति विभिन्न जनचेतना मुलक कार्यक्रम गर्दै आएको छ । कानेपोखरी गाउँपालिका वडा नं ६ को समन्वयमा आदर्श समाजले कार्यक्रम गरेको हो ।
समाजका अध्यक्ष प्रकाश कोइरालाले कानेपोखरी भित्र लागूऔषध खाने युवायुवतीहरु बढी भएकाले किशोर किशोरीहरु लाई कुलतमा फस्न नदिन जनचेतनामूलक कार्यक्रमको आयोजना गरेको बताए । कार्यक्रमको प्रमुख अतिथी कानेपोखरी गाउँपालिका वडा नं ६ का अध्यक्ष खडग बहादुर बस्नेत रहेका थिए।
कार्यक्रमको सहजीकरण प्रहरी चौकी रमाइलोका कार्यलय प्रमुख घनस्याम पाण्डेले गरेका थिए । कार्यक्रममा बिधालयका शिक्षक तथा २ सय जना बिद्यार्थीहरुको उपस्थित रहेको थियो । युवायुवतीहरु लागूपदार्थ दुर्व्यसनीमा नफस्न आव्हान समेत गरेका छन ।
कार्यक्रममा विभिन्न राजनीति दलका ब्यक्तिहरुको उपस्थिति रहेको थियो । वडा अध्यक्ष बस्नेतले समाज रुपान्तरणको निम्ति बिभिन्न्न जनचेतना मुलक कार्यक्रम गर्न आग्रह गरेका छन।
