धरान/धरानस्थित एम्स एकेडेमीमा पाँचौँ ‘एम्स कल्चरल डे’ शुक्रबार सम्पन्न भएको छ ।
एम्समा अध्ययनरत् विद्यार्थीहरूको एम्स क्रियटिभ ग्रुपले सो कार्यक्रम आयोजना गरेको हो । त्यस दिन सबै विद्यार्थी र शिक्षक–शिक्षिकाहरू आ–आप्mनो जातीय पहिरनमा आएका थिए । कार्यक्रममा एम्सका विद्यार्थीहरू एकल र सामूहिक नृत्य तथा गायन प्रस्तुत गरेका थिए । एम्सको वार्षिक पात्रोअनुसार नै समूहले कार्यक्रम आयोजना गरेको समूहका अध्यक्ष रिसभ राईले जनाए । विद्यार्थीहरूलाई आप्mनो संस्कृतिको संरक्षणप्रति सचेत बनाउन यस्तो कार्यक्रम आयोजना गर्न थालिएको कलेजको व्यवस्थापन सङ्काय संयोजक दुर्गा सुवेदीले बताए । कक्षा १२ उत्तीर्ण गरेर विद्यार्थीहरू गएपछि नयाँ समूह निर्माण गर्ने गरिएको छ ।
कलेजको आन्त्रिक परीक्षामा ३ दशमलव २५ भन्दा बढी जीपीए ल्याउने विद्यार्थीहरूलाई पनि कलेजले सोही अवसरमा पुरस्कार प्रदान गरेको थियो । सो अवसरमा कक्षा ११ का २७ र १२ का १४ जनालाई पुरस्कृत गरिएको कलेजका प्राचार्य मित्र तामाङले बताए । कलेजका तर्पmबाट विभिन्न प्रतियोगितामा सहभागी भएर पुरस्कार जितेका विद्यार्थीहरूलाई पनि सो अवसरमा कलेजले पुरस्कार प्रदान गरेको थियो ।
समूहका खम्बसिंह बस्नेत र नेसनल बहुमुखी क्याम्पसका संयोजक हेमन्त भण्डारीद्वारा सञ्चालित कार्यक्रममा कलेज सञ्चालक समितिका अध्यक्ष प्रकाश राई प्रमुख अतिथि थिए ।
