मोरङ / प्रधानमन्त्री पुष्पकमल दाहालले प्रदेश सरकारलाई बलियो बनाउने प्रतिबद्धता जनाएका छन् । बुधबार बिहान प्रधामन्त्री दाहाल र प्रदेश १ का मुख्यमन्त्री हिक्कमतकुमार कार्कीबीचको भेटवार्ताका क्रममा प्रधानमन्त्री दाहाले प्रदेश सरकारलाई बलियो बनाउने कुरामा आफू प्रतिबद्ध रहेको बताएका हुन् ।
प्रधानमन्त्री दाहालले भने ‘संघीयतालाई बलियो बनाउन प्रदेश सरकारलाई पनि बलियो बनाउन आवश्यक छ, प्रदेश सरकारलाई बलियो बनाउने कुरामा म प्रतिबद्ध छु । सो अवसरमा मुख्यमन्त्री कार्कीले संघीयता बलियो बनाउनका लागि निजामती सेवा ऐन,संघीय शिक्षा ऐन,संघीय प्रहरी ऐन छिटो ल्याउन आवश्यक रहेको प्रधानन्त्रीलाई आग्रह समेत गरेका थिए ।
प्रधानमन्त्री दाहालले प्रदेशले मन्त्रालय घटाएकोमा मुख्यमन्त्री कार्कीलाई धन्यवाद समेत दिए । उनले भने–‘प्रदेश १ ले मन्त्रालयले घटाएर राम्रो काम गरेको छ । यसले मितव्ययिता कायम गर्न सहयोग पुग्छ
पुस २५ गते गठन भएको प्रदेश १ सरकारमा ६ मन्त्रीसहित ७ सदस्यीय मन्त्रीमण्डल बनाएको छ । त्यसभन्दा पहिला १३ सदस्यीय मन्त्रिमण्डल रहेको थियो । ९ मन्त्रालय रहने औपचारिक निर्णय गरिसकेको प्रदेश सरकारमा थप दुई मन्त्री नियुक्ति हुन बाँकी छ । यद्यपि, मन्त्रालयको विषयमा आफूसँग कुनै छलफल नभएको मुख्यमन्त्री कार्कीले जानकारी दिए ।
अहिले सामान्य सिष्टाचार भेट गरेकोे बताउँदै मुख्यमन्त्री कार्कीले भने, मन्त्रालयको विषय त्यहीं टुंगो लाग्छ, माथि छलफल गर्नुपर्ने आवश्यकता छैन । प्रदेश १ का मुख्यमन्त्री कार्कीले बुधबार बिहान प्रधानमन्त्री पुष्पकमल दाहाल प्रचण्डसँग प्रधानमन्त्री निवास बालुवाटारमा पुगेर भेटवार्ता गरेका थिए ।
