धरान/ रोटर्याक्ट क्लब अफ धरान घोपाले एन्टि माइक्रोबियल सचेतनामूलक नाटक प्रस्तुत गरेको छ ।
रोटर्याक्ट क्लब अफ धरान घोपाले ‘विश्व एन्टिमाइक्रोबियल सचेतना सप्ताह’ अवसर पारेर एन्टिमाइक्रोबियल रेजिस्टेन्स विषयमा नाटक स्वास्थ्य शिक्षाको आयोजना गरेको थियो ।
कार्यक्रमको मुख्य उद्देश्य ग्लोबल एन्टिमाइक्रोबियल रेजिस्टेन्स (एएमआर) बारे चेतना अभिवृद्धि गर्नु रहेको आयोजकले जनाएको छ । जनसङ्ख्या, स्वास्थ्यकर्मी र नीति निर्माताहरू बीचको उत्कृष्ट अभ्यासलाई थप उदीयमानलाई पार गर्न प्रोत्साहन गर्ने , लागुऔषध प्रतिरोधी संक्रमणको फैलावटको बारेमा आम जनतालाई शिक्षित गर्न, एन्टिबायोटिक औषधिको दुरुपयोग र त्यसका हानिकारक असरहरूबारे जनचेतना जगाउने लगायतका विभिन्न चेतनामूलक नाटक मञ्चन गरिएको जनाएको छ ।
धरानको भानुचोकमा स्मिता पौडेल, अक्षया वस्ती, शान्ति शर्मा, रिकेश गान्धी, केशर कार्की, मनस्वी आचार्य, कृष रौनियार, सरोज दाहाल, बिनामजंग महत, विक्रम सिंह राणा, नितेश न्यौपाने, रसिक नेपाल, साँजी कपाल लगायतले नाटकमा अभिनय गरेका थिए ।
क्लबका अध्यक्ष ऋतिक राज पासवान सहित करिब ५० जना स्वयंसेवकको सहभागिता रहेको थियो ।
