_1693980289.gif "#")
धरान । वुद्धिजीवि एवम् राजनीतिक विश्लेषक प्राध्यापक डाक्टर टंक न्यौपानेले मुलुकको राजनीति विग्रिएको वताएका छन् ।
सुनसरीको धरानमा नेकपा एमाले र जनता समाजवादी पार्टीको संयुक्त जनसभामा विहीवार कार्यक्रममा उक्त नेपालको राजनीतिक विग्रिएको भन्दै आक्रोस पोखेका हुन् ।
राजनीति गर्ने जनताले हो,त्यसका लागि जनताले सांसद चुनेर पठाउँछौ,अनि संसदले नीति निर्माण गर्ने हो तर यो मुलुकमा राजनीति २०४८ सालदेखि अदालतले गर्न थालेपछि जनताको राजनीति विगिएको प्रा.डा. न्यापानेको भनाई छ ।
उनले भने,‘२०४८ सालमा तत्कालिन प्रधानमन्त्री मनमोहन अधिकारी,तत्कालिन प्रधानमन्त्री गरिजा प्रसाद कोइराला अनि केपी शर्मा ओली नेतृत्व प्रधानमन्त्री रहेका वेला भएको संसद विघटन गरे तर अदालतले सदर गरिदियो, के त्यो काम अदालतले गर्ने हो ?अदालतले राजनीति गर्ने हो र मिल्छ ?’
प्रा.डा. न्यौपानेले तत्कालिन प्रधानमन्त्री केपी शर्मा ओलीले संसद विघटन गरे तर अदालतले मिती नै तोकेर नाम समेत किटान गरेर प्रधानमन्त्री नै वनाएपछि अव नेपालको राजनीति थप जटिल बन्दै गएको भन्दै चिन्ता व्यक्त गरेका छन् । त्यसैले यो गलत प्रवृतिलाई अन्त्य गर्नु पर्छ राजनीति जनताले गर्ने हो अदालतले होइन ।
