‘आत्मज्ञानले नै शान्ति आउँछ’

धरान । विश्वमा नै अशान्ति फैलिएको बेला आत्मज्ञान प्रचार संघ धरानले धरानका प्रवुद्ध व्यक्तिलाई भेला गराई शान्ति प्राप्तिबारे जानकारी गराएको छ ।
धरान २ रत्न रोडमा रहेको होटल युवेरीमा आयोजित कार्यक्रममा आत्मज्ञानका प्रवद्र्धक प्रेम रावतको प्रवचन प्रोजेक्टरमार्फत देखाइएको थियो ।

उनले दिएको प्रवचन जीवन दर्शनसँग सम्बन्धित रहेको थियो । उनले भनेका थिए–‘मानिस शान्ति खोज्न अरु ठाउँ जान्छ, शान्ति आफैभित्र हुन्छ, खोजिरहनु पर्दैन ।’

सानै उमेरदेखि शान्तिको खोजीमा हिड्दै शान्तिको बारेमा जानकारी दिदै आएका उनले ८ बर्षकै उमेरबाट शान्तिको खोजी गर्दै शान्तिका बारेमा सबैलाई बुझाउदै हिडेका थिए । उनले शान्तिका विषयमा भनेका कुरालाई त्यहाँ उपस्थित सबैले मनन गरेका थिए ।

 

बीपी कोइराला स्वास्थ्य विज्ञान प्रतिष्ठानका पूर्व रजिष्ट्रार प्रा.डा. विक्रम श्रेष्ठले शान्तिका लागि राउतले दिनुभएको प्रवचन जीवनमा लागू गर्दा जहिल्यै शान्ति हुने बताए । धरान १४ का वडाध्यक्ष कृष्णप्रसाद भट्टराईले प्रवद्र्धक राउतले सुन्दर संसारको परिकल्पना शान्तिबाट हुन्छ भन्ने कुरा सन्देशमार्फत रावतले सन्देश दिएको बताए । शान्ति बाहिर छैन, शान्ति आफैभित्र छ भन्ने कुरा सन्देशमार्फत प्राप्त भएको प्रदेश नं. १ का पूर्व प्रदेश प्रमुख डा. गाबिन्द तुम्बाम्फेले बताए । सबैले यस्ता सन्देश सुन्न आवश्यक रहेको बताउदै यस्ता प्रवर्चनमा विश्वमा धमेलिएको शान्ति फर्काउन सहज हुने बताएका छन् ।