‘प्रेम गीत ३’ को हिन्दी भर्सन नेपाल रिलिज नहुँदै लिक

धरान । पहिलो पटक हिन्दी भाषमा डभिङ गरी भारतमा प्रर्दशन गर्न लागिएको नेपाली चलचित्र प्रेम गीत ३ को हिन्दी भर्सन लिक भएको छ ।
लामो समयको प्रचार प्रसार पश्चात हिजो शुक्रबारबाट प्रर्दशनमा आएको चलचित्रको हिन्दी भर्सन अनएथिकल’ साइट ‘टेलिग्राम’ मा लिक भएको हो ।

चलचित्रले हिजो देखि नेपाल भारत र अन्यमुलुक गरी लगभग ६ सय थियटर्सबाट प्रदर्शन सुरु गरेको थियो । चलचित्र भारतका ३ सय ३० वटा थियटर्समा प्रदर्शनमा आएको जनाइएको छ ।

नेपालमा हाल यस चलचित्रको नेपाली संस्करणमात्र प्रदर्शनमा भइरहेको छ । हिन्दी भर्सनको सेन्सर सर्टिफिकेट नआइसकेकाले नेपालमा हिन्दी संस्करण सोमबार मात्र रिलिज हुने जनाइएको छ ।

फिल्मको हिन्दी संस्करण नेपालीमा हलमा आउने पूर्व नै चलचित्र लिक भएसँगै फिल्मलाई उल्लेखनीय आर्थिक नोक्सानी हुनसक्ने सम्भावना बढेको छ ।