धरानमा काँग्रेसलाई फेरी झट्का, पार्टी परित्याग गरि एमालेमा प्रवेश

धरान । धरान ८ मा नेपाली काङ्ग्रेसको पुर्व सुन्सरी जिल्ला सदस्य तथा क्षेत्रीय प्रतिनिधि राम बहादुर तामाङको नेतृत्वमा १८ जनाले नेपाली काँग्रेस पाटी परित्याग गरि नेकपा एमालेमा वुधबार प्रवेश गरेका छन् ।

नेकपा एमालेको मेयर पदका उम्मेद्धवार मन्जु भण्डारी र उप मेयर पदम इस्वो लिम्वू सहितको मतदातासँग घरदैलो अभियानकै क्रममा पाटी प्रवेश गरेका हुन । पाटी प्रवेश गर्दै राम वहादुर तामाङले काँग्रेसमा राजनीतिक आचारण र व्यवहार नभएकाले आफुले पाटी परित्याग गरेर नेकपा एमालेमा प्रवेश गरेको वताउनु भयो । उहाले भन्नु भयो,“काँग्रेसले कुरा मात्रै गर्ने जनतालाई झुक्काउने कामदेखि केही गरेन , त्यसैले विकास र समृद्धिको लागि नेकपा एमालले नै जनताको पाटी र विकास गर्ने पाटी भएकाले काँग्रेस परित्याग गरी एमालेमा प्रवेश गरेका हौं, आगामी निर्वाचनमा एमालेले नै जित्ने छ ।”

पार्टिका केन्द्रीय सदस्य तथा मेयरका उम्मेदवारमा रहेका मन्जु भण्डारी (सुवेदी) र उपमेयरका उम्मेद्धवार पदम इस्वोले स्वागत तथा बधाई दिनुका साथै फुलमाला र अबिर लगाएर पार्टी प्रवेश गराए । कार्यक्रममा नेकपा एमाले नगर अध्यक्ष हर्क एभेङ्ग , प्रदेश सदस्य मोतिराज सुनुवार, नारायण सुवेदी, संघीय सांसद जय कुमार राई लगायतले वधाई तथा शुभकामना दिए ।

यसअघि नै दुई निर्वाचित वडाध्यक्षहरुले विद्रोह गरी राप्रपाबाट उम्मेद्वारी दर्ता गराइसकेका छन् । धरान १४ का वडाध्यक्ष कृष्ण प्रसाद भट्टराई र १ का रोशन अधिकारीले पार्टी परित्यागको घोषण गर्दै गत सोमबार नै उम्मेद्वारी दर्ता गराएका हुन् ।