बीपी सुधार आन्दोलनलाई राप्रपाले सहयोग गर्ने

धरान । बीपी सुधार आन्दोलनमा लागेको ‘हामी नेपाल’ संस्थाको आन्दोलनलाई राप्रपा धरान नगरकमिटीले समर्थन जनाउने भएको छ ।

पार्टीले मंगलबार एक विज्ञप्ती प्रकाशित गर्दै धरानको गहना बीपीमा भएको विकृति, विसगति हटाउन ‘हामी नेपाल’ संस्थाले घोपा बचाउ अभियान चलाएकोप्रति आफूहरुको ऐक्यवद्धता रहेको जनाएको ।

राप्रपा धरान नगर कमिटीका अध्यक्ष नविन पराजुलीद्वारा हस्ताक्षरित विज्ञप्तीमा भनिएको छ, ‘ हामी नेपाल नामक संस्थाले आयोजना गरेको घोपा बचाउन अभियानलाई राष्ट्रिय प्रजातन्त्र पार्टी धरान नगर समिति पूर्ण रुपमा समर्थन गर्छ ।’

पार्टीले राप्रपा यसपटक स्थानीय चुनावमा प्रतिष्पर्धाका लागि लड्ने विज्ञप्तीमार्फत जनाएको छ । विगतका राजनीतिक दलहरुले जनताको हितमा काम गर्न नसक्ने बताउदै विगतमा जितेर गएकाहरुले जनताको हित र राष्ट्रको रक्षा गर्न सक्दैन भन्ने प्रमाणित भइसकेकोले यसपटक सोचेर बुझेर मात्र मत हाल्न आग्रह गरेको छ ।