_1693980289.gif "#")
धरान । धरान स्थित विपि कोइराला स्वास्थ्य विज्ञान प्रतिष्ठानको आकस्मिक कक्षका लागि १० थान ह्वीलचियर सहयोग गरिएको छ ।
हाम्रो धरान सरोकार समाजको संयोजनमा चैत २५ गते शुक्रबार महेश श्रेष्ठको अगुवाइमा ह्वीलचेयर सहयोग गरिएको हो । आकस्मिक कक्षमा उपचारमा आउने बिरामीहरुले ह्वीलचियर नपाउँदा समस्या भोग्नुपरेकाले समाजको फेसबुक पेजबाट आव्हान गरिएको थियो । १ सय वटा ह्वीलचियर प्रदान गर्ने लक्ष्य रहे पनि पहिलो चरणमा १० वटा प्रदान गरिएको छ । ह्वीलचियर आकस्मिक कक्षका सहायक इन्चार्ज डा. मासुम पौडेललाई प्रदान गरिएको छ ।
उपचारका लागि आउने अशक्त, बिमारीहरुलाई उपचार कक्ष सम्म पु¥याउन र बिमारीको छिटो उपचारमा थप सहयोग पुग्ने भएकाले ह्वीलचियर वितरण गरिएको महेश श्रेष्ठले बताए । ह्वीलचियरका लागि स्वर्गीय मेयर तारा सुब्बाको नाममा समाजसेवी तथा गेसो महिला अभियन्ता श्रीमती रुपा राई, कान्तिपुर होटल म्यानेजमेन्ट इन्स्टिच्युट धरान ९ संस्थापक एवम प्रबन्ध धरान २ का गगनमान श्रेष्ठ, समाजसेवी तथा गेसो अभियन्ता धरान ८ का रमेश राई, स्व. राममाया राईको स्मृतिमा धरान ११ का नाति दिपेन्द्र राई, हाडजोर्नी विशेषज्ञ डा. रोसन कलवारका पिता लक्ष्मण कलवार एवं परिवार, स्व. रामशरण चौधरीको स्मृतिमा धरान ८ का सुरेश चौधरी, स्व. मानप्रसाद सम्यङ्गखामको स्मृतिमा धरान १९ का केशव प्रकाश सम्यङ्गखाम, प्रतिष्ठानका हाडजोर्नी विभाग प्रमुख एवं पुर्व शिक्षाध्यक्ष डा. विक्रम प्रशाद श्रेष्ठ र मिर्गौला रोग तथा सपर्दंश विशेषज्ञ डा. संजिवकुमार शर्मा लगायतले सहयोग गरेका थिए ।
