विपी प्रतिष्ठानको सिनेट बैठक रोक्न सर्वोच्चको आदेश "तत्काल कारवाहीहुने बाट जोगिए पदाधिकारी, २१ दुवै पक्षबिच छलफल हुने"

धरान/ धरान स्थित विपी कोइरला स्वास्थ्य विज्ञान प्रतिष्ठानको चैत्र २० बोलाइएको सिनेट बैठक तत्काल नबस्ने भएको छ ।
दर्तासर्वाेच्च अदालतले आइतबार अल्पकालीन अन्तरिम आदेश दिँदै बैठक नबोलाउन आदेश दिएको हो ।

प्रतिष्ठानका उपकुलपति डा. ज्ञानेन्द्र गिरी र अस्पताल निर्देशक प्रा.डा. गौरिशंकर शाहले गत चैत्र १०मा सिनेट बैठक रोक्न माग गर्दै रिट दर्ता गराएका थिए ।
उक्त रिटमाथि सुनुवाई गर्दै न्यायाधीश टंकबहादुर मोक्तानको एकल इजलासले आईतबार यस्तो आदेश दिएको हो । सर्वोच्चले चैत २० को सिनेट बैठक रोकेर २१ गते दुवै पक्षलाई छलफलका लागि बोलाएको छ ।

सर्वाेच्चको यस्तो आदेश सँगै विपीका पदाधीकार त्तकाल कार्वाही हुन बाट जोगिएका छन् । प्रतिष्ठानका कुलपति एवम् प्रधानमन्त्री शेरबहादुर देउवाको निर्देशनमा स्वास्थ्यमन्त्री विरोध खतिवडाले चैत २० का लागि प्रतिष्ठानको ऐन २०४९ को ११ ‘घ’ बमोजिम सिनेट बैठक बोलाएका थिए । ११ घ अनुसारको सिनेट बैठक पदाधिकारीमाथि कारवाही गर्ने प्रयोजनका लागि मात्रै बोलाइन्छ ।