_1693980289.gif "#")
धरान/ धरानमा विद्यालय स्तरीय वास्केटबल प्रतियोगिता हुने भएको छ । धरान १५ स्थित होलिल्याण्ड स्कुलको आयोजनामा फागुन ७ र ८ गते होलिल्याण्ड थ्री वाइ थ्री आन्तर विद्यालय महिला, पुरुष प्रतियोगिता हुने भएको हो । धरान ९ पुतलीलाईन स्थित कफि पव एण्ड रेस्ट्रोमा बुधबार पत्रकार सम्मलेन गरी प्रतियोगिताको विषयमा जानकारी दिएको हो ।
विद्यालयको २५ औं वार्षिकोत्सवको अवसरमा माघ पहिलो साताबाटै सञ्चालन गर्न लागिएको प्रतियोगिता कोभिड महामारीको तेस्रो लहर आए सँगै स्थगित गरिएको प्रतियोगिता पुनः सञ्चालन गर्न लागिएको स्कुललका प्रिन्सिपल राजकुमार लिम्बूले बताए । लामो समय कोरोना महामारीका कारण विद्यार्थीहरुमा मानसिकतामा असर पुगेका कारण विद्यार्थीहरुलाई विभिन्न कार्यक्रमहरुले उर्जा प्रदान गर्ने भएकोले प्रतियोगिताको आयोजना गरिएको उनको भनाई छ । उनले भने, “लामो समय बन्दाबन्दीको कारण घरमै त्रसीत भएर बसेका विद्यार्थीहरुलाई मनोरञ्जनका साथै उर्जा मिलोस भन्ने उद्धेश्यले प्रतियोगिताको आयोजना गरिएको हो ।” यस्ता प्रतियोगिताले विभिन्न विद्यार्थी तथा विद्यालयहरु एक अर्कामा अन्तरघुलित हुने उनी बताउँछन् ।
प्रतियोगितामा धरान र आसपासका विभिन्न विद्यालयहरुबाट १२ टिमको सहभागीता जनाउने विद्यालयले जनाएको छ । प्रतियोगिताको विजेताले नगद पाँच हजार रुपैया, एक हजार बराबरको कफि पव फुड भौचर, उपविजेताले २ हजार ५ सय रुपैया, पाँच सय रुपैया बराबरको कफि पव फुड भौचर, ट्रफी, मेडल र प्रमाण पत्र प्राप्त गर्ने आयोजकले बताएको छ ।
त्यस्तै, प्रतियोगितामा उत्कृष्ट खेलाडिले नगद १ हजार रुपैया, पाँच सय बराबरको कफि पव फुड भौचर पाँच सय रुपैया बराबरको ज्वाइखाना फुड भौचर, ट्रफी, मेडल र प्रमाण पत्र प्राप्त गर्नेछन् ।
