ओशोको फुटसलमा धरान प्याब्सन विजयी

धरान । धरान ७ स्थित ओशो ट्रेनिङ सेन्टरले आयोजना गरेको मैत्रीपुर्ण फुटसल प्रतियोगितामा धरान प्याब्सन विजयी भएको छ ।

धरान १५ स्थित बिग फुटसलमा शनिबार सम्पन्न प्रतियोगितामा एन प्याब्सन धरानलाई हराउँदै प्याब्सन धरान विजयी भएको हो । एन प्याब्सन उपविजेता बनेको छ । सात वटा विभिन्न संस्थाहरु बिच भएको फुटसल प्रतियोगितामा तेस्रो विजेता आयोजक संस्था ओशो ट्रेनिङ सेन्टर भएको छ ।

विजेता टिमहरुलाई नेपाल फिजिकल ट्रेनिङ एशोसियसनका पुर्व क्षेत्रीय अध्यक्ष पर्वत राईले पुरस्कार वितरण गरेका थिए । संस्थाहरु बिच मैत्रीपुर्ण सम्बन्ध बढाउनका लागि प्रतियोगिताको आयोजना गरिएको सेन्टरका संचालक पारुहाङ तुम्बाहाम्फेले बताए । ‘कमिट टु बि फिट एण्ड फ्रेण्डली’ भन्ने नारा सहित फुटसल प्रतियोगिता गरिएको उनको भनाई छ । प्रतियोगितामा इस्टु धरान, टिचर युनाईटेड धरान, अमर पोलिक्लिनिक, सुनचाँदी व्यवसायी संघले पनि प्रतियोगितामा सहभागिता जनाएको थियो ।