धरान/ धरानका उदीयमान गायक विजय वाम्बुले राईको स्वर रहेको ‘किराती हामी’ गीतको म्युजिक भिडियो सार्वजनिक गरिएको छ ।
किराती संस्कारमा आधारित रहेर तयार गरिएको म्युजिक भिडियोको बुधबार एक कार्यक्रम बिच चर्चित गायक डिल्ली फोम्बोले सार्वजनिक गरेका हुन् । साकेला सिलिमा गाइएको ‘किराती हामी’ गितले किरातीहरुको संस्कृतिलाई जोगाउन टेवा पुग्ने कार्यक्रमका प्रमुख अतिथी समेत रहेको गायक फोम्बेले बताए ।
कार्यक्रममा अग्रज पत्रकार हर्ष सुब्बा, नेपाल पत्रकार महासंघ सुनसरीका अध्यक्ष जनकऋषि राई लगायतको उपस्थितिमा म्युजिक भिडियो सार्वजनिक गरिएको हो ।
भिडियोको एरेन्ज पावल चाम्लिङले गरेका छन् भने मनिता राई र प्रितम सम्वाहाम्फेले अभिनय गरेका छन् । म्युजिक भिडियोको छायाँकन बराहक्षेत्रको शंकरवेली ताल, धरानको यलम्बर पार्कमा गरिएको छ ।
कुल २ लाख ३० हजार रुपैया लगानी रहेको गायक विजय वाम्बुले राईले बताए । उनले मोफसलमा बसेर संगितलाई व्यवसायीक रुपमा अघि बढाउने अभियानमा लागेको बताए ।
