_1693980289.gif "#")
इटहरी/ तिहारमा देउसी खेल्ने परम्परालाई जर्गेनाका साथै संरक्षण गर्ने उद्धेश्यले नगेन्द्र दंगालले तिहारमा सार्वजनिक गर्ने गरी देउसीभैलो गित ल्याउने भएका छन ।
दंगालको शब्द, लय र स्वर रहेको देउसी गितको सुटिङ मोरङको सुन्दरहरैचा नगरपालिका वडा नम्बर ४का वडाध्यक्ष शैलेन्द्र श्रेष्ठको घरमा छायाँकन गरि सम्पादनको क्रममा रहेको छ ।
रोहित खनालको निर्देशन रहेको देउसी गितमा आर्दश बाल क्लवका कलाकारहरुका साथै सुनसरी र मोरङका संचारकर्मीहरुले अभिनय नृत्य गरेका छन । रेवती निरौलाको संयोजन रहेको देउसी गितमा हास्य मसलाका रुपमा बालकुमार थेबेले अभिनय गरेका छन भने घरमुलीका रुपमा घरधनी शैलेन्द्र श्रेष्ठ र परिवारको अभिनय रहेको छ ।
गितको छायाँकन पारस चौधरीले गरेको गित चाडैं नै युटुव मार्फत सार्वजनिक गरिने रचनाकार, गायक दंगालले जानकारी दिए । उनले तिहारका समयमा गाइने तथा खेलिने देउसीभैलो संरक्षणमा युवा पुस्तालाई संदेश पुर्याउने उद्धेश्यले समेत गित देउसी गित ल्याउन लागेको वताए ।
