वराह कुण्डको जिर्णोद्वार

बराहक्षेत्र । सुनसरीको वराहक्षेत्र धाममा रहेको वराह कुण्डको पुनः निर्माण गर्न थालिएको छ ।

२०७२ सालको भूकम्प पछि हरेक वर्षाको समयमा कोशीको वेगले कुण्ड पश्चिम तिरको जमिन धस्सिन थाले पछि कुण्डको आधा भागमा क्षति भएको थियो ।

धर्तीमा डुब्न लागेको पृथ्वीलाई बँदेल रुप धारण गरि वराह भगबानले सुढोबाट जोगाएको मुर्ति रहेको वराह कुण्डका मन्दिर दर्शन आउने पर्यटकहरु तस्बिर खिच्ने, बिश्राम गर्ने गर्छन । कुण्डको जिर्णोद्वार तथा क्षति भएको आधा भाग पुनर्निर्माणको काम वराहक्षेत्र संरक्षण मञ्चले सुरु गरेको छ ।

संरक्षण मञ्च मार्फत नै २०६५ सालमा निर्माण भएको कुण्डको संरक्षण हुँदै आएको छ । मञ्चले नै पुनः निर्माण थालेको सचिब राजु घिमिरेले बताए । वराहक्षेत्र धामलाई धर्तिको पहिलो धामको रुपमा रहेको पृष्ठ गर्ने वराह कुण्डको पुनः निर्माणमा २० लाख लाग्ने अनुमान गरेको सचिब घिमिरेले बताए ।

मञ्चको आन्तरिक स्रोतबाट निर्माण हुने कुण्डको पुरानो रुप परिवर्तन नगरी जोखिमवाट बचाउन र सरक्षित बनाईने छ ।