धरानमा स्कुल थ्रिएटर प्रशिक्षण सुरु

धरान/ धरानमै पहिलो पटक विद्यालय स्तरमा स्कुल थ्रिएटर प्रशिक्षण सुरु भएको छ ।

साहारा थ्रिएटरको अयोजनामा धरानमा मंगलबारबाट १५ दिने प्रशिक्षण कार्यक्रम सुरुभएको हो । प्रशिक्षण कार्यक्रममा के के इन्ट्रनेश्नल , शिक्षा सदन , भानु स्मृती,शहिद स्मृती लगायत धरानका ९ वटा विद्यालयका कक्षा ५ देखि १२ सम्मका ४८ जना विद्यार्थीहरु सहभागि भएको थ्रिएटरका अध्यक्ष नविन म्यानाङवोले बताए ।

सुस्ताउदै गएको धरानको रंगकर्मलाई चलायमान बनाउन र पछिल्लो समय लकडाउनका कारण वालवालिकामा परेको मानसिक असरका कारण आत्महत्यामा जस्ता जघन्य अपराधहरु समेत बढ्दै गएकाले यस्ता कार्यक्रमको अयोजना गरिएको उनले बताए ।
उनले भने,‘ लकडाउनका कारण वावालिकाहरु डिप्रेशनमा जाने र आत्महत्या गर्ने गरेको पाइएको थियो,उनिहरुलाई व्यस्त राख्न उनिहरुको मानिसक तनावलाई कम गर्न पनि यस्ता खालको कार्यक्रमको आबश्यकता छ । ’

आगामि वर्षहरुमा पनि यस्ता खालका स्कुल थ्रिएटर प्रशिक्षण कार्यक्रमलाई निरन्तरता दिइने उनले जानकारी समेत दिएका थिए ।

५२ सालमा स्थापना भएको साहरा थ्रिएटरको आगामि चैत २१ गते २५ औं वार्षिकोत्सवको अवसरमा नाटक,कलकार रत्तदान कार्यक्रमको समेत अयोजना गरिने भएको छ ।

१५ दिने प्रशिक्षण कार्यक्रमको प्रशिक्षकको रुपमा सोनि जयन्ती रहेका छन् भने साहायक प्रशिक्षकको रुपमा भिम पाण्डे रहेका छन्।