कालिकोटकी नन्दा सग विवाह गर्दै रमेश प्रसाई

धरान/ पब्लिक स्पीकर नेपालका बिजेता, प्रखर वक्ता तथा गायक रमेश प्रसाई विवाह बन्धनमा बाधिन लागेका छन् ।

काठमाडौंमा बालआश्रम चलाइरहेकी कालिकोटकी नन्दा सिंह सगँ रमेशले यहीँ मंसिर २२ गते धरानबाट विवाह गर्न लागेका हुन् ।उनिहरु केही वर्षदेखि प्रेम सम्बन्धमा रहेका थिए ।

यता रमेशका साथि जिबन विष्टले पनि एउटै लगनमा विवाह गर्न लागेको छन् । १२ वर्षको मित्रताको उपज भन्दै जिबनले एउटै लगन एउटै मण्डपबाट विवाह गर्ने निधो गरेको बताएका छन् ।

विभिन्न समयमा समसामायिक विषयमा आफ्नो कुरा सामाजिक सञ्जालबाट व्यक्त गर्दै आएका रमेशका फ्यान फलोइङ राम्रो छ।

पछिल्लो समयमा इन्द्रेणी कार्यक्रममा कल्पना दाहालसगँको दोहोरीका कारण उनिहरुकोे प्रेम सम्बन्ध चर्चामा आएको थिए । तर उनले सम्बन्धको हल्लालाई हल्लामैै सिमित गर्दै नन्दा सग विवाह गर्न लागेका हुन् ।

उनले पछिल्ले समय गाएको ‘रिंकेबुङको राँगो’ बोलको गीतले उनलाई झन चर्चामा ल्याएको छ ।