जुवा खालबाट साढे २ लाख नगद सहित ६ जना पक्राउ

मोरङ । इटहरीका प्रदिप तामाङ सहित मोरङको बेलबारीबाट ६ जना जुवाडेहरु पक्राउ परेका छन् ।
बेलवारी नगरपालिकाको वडा नम्बर ४ का अशोक राईको घरमा जुवा खेलिरहेको अवश्थामा गत शुक्रबार उनीहरुलाई नगद २ लाख ५३ हजार २ सय ३५ रुपैया सहित जिल्ला प्रहरी कार्यालय मोरङले पक्राउ गरेको हो । पक्राउ पर्नेहरुमा बेलबारी ३ का रित गुरुङ, बेलबारी ११ लक्ष्मीमार्गका सुजय गौतम, चन्द्र लिम्बू, दमक नगरपालिका ५ का धमेन्द्र राई, सुनसरीको इटहरी १ का प्रदीप तामाङ र धनुषा चारनाथ नगरपालिका ८ का पर्शुराम भुजेल रहेका छन् ।

जुवाको खालबाट नगद सहित एक सेट कौडा, तीन बुङ तास वरामद भएको छ भने उनीहरुको को २ च २८१९ नम्बरको स्कार्पियो, अनटेष्ट मोटरसाइकल र को २३ प १३८७ नम्बरको स्कुटर पनि वरामद भएको प्रहरी उपरीक्षक सन्तोष खड्काले जानकारी दिए ।