कटहरेकी बालिकाको हत्याको आरोपमा एक जनालाई म्याद थप

धरान । बराहक्षेत्र नगरपालिका कटहरेकी १२ वर्षिय बालिकाको हत्यामा संलग्न एक जनालाई पक्राउ गरि ५ दिनको म्याद थप गरेको छ ।
इलाका प्रहरी कार्यालय महेन्द्रनगरले शनिबार आशंकामा ८ जनालाई नियन्त्रणमा लिएको थियो । अनुसन्धानका क्रममा १ जनालाई सुनसरी जिल्ला अदालतबाट म्याद थप गरि अनुसन्धानको कार्य शुरु गरिएको जिल्ला प्रहरी कार्यालय सुनसरीले जनाएको छ ।

गत शुक्रबार बराहक्षेत्र १ की १२ वर्षिय बालिका मिना राईको आफ्नै घरमा हत्या भएको थियो । ज्यान सम्बन्धी अनुसन्धनमा प्रयोग गरिनै लैला नामको कुकुरको प्रयोग गरिएको थियो । अनुसन्धानबाट कर्तव्य गरी मार्ने वर्ष १५ का एक युवालाई थप अनुसन्धानका लागि म्याद थप गरिएको प्रहरीले जनाएको छ । शुक्रबार राती मृतक मिना राईकी आमा बुबा समेत छिमेकीको घरमा राखिएको चिन्ता बस्ने ठाउँमा गएका थिए । रातको १० बजे तिर घर फर्किएकी मिना मृत अवश्थामा बुबा आमाले भेटेका थिए ।

पक्राउ परेका युवालाई मुलुकी अपराध संहिता ऐन २०७४ को ज्यान सम्बन्धी कसुर गरेको अभियोगमा अदालतबाट म्याद थप गरिएको छ ।