इटहरीमा कोरोना संक्रमित थपिदै, मंगलबार ७ जना थपिए सँगै ८७ पुगे

इटहरी । जताततै कोरोनाको सन्त्रास बढिरहेका बेला इटहरीमा मंगलबार बिहान थप सात जनामा संक्रमण पुष्टी भएको छ ।
इटहरी उपमहानगर वडा नं. ६ का दुई महिला, एक पुरुष, वडा नं. ४ का एक पुरुष, वडा नं. २० की एक महिला र जिल्ला प्रहरी कार्यालय सुनसरीको थुनामा रहेका इटहरीका दुई पुरुषमा कोरोना संक्रमण पुष्टि भएको इटहरी अस्पतालका इमर्जेन्सी शाखा प्रमुख राम कुमार धमलाले बताए ।
यो संगै इटहरीमा कोरोनाबाट संक्रमित हुनेहरूको संख्या ८७ पुगेको छ भने निको भएर घर फर्किएकाहरूको संख्या २६ पुगेको छ ।
पछिल्लो एक महिना यता कोरोना भाइरसको संक्रमणबाट इटहरी २० तरहरा पनि उच्च जोखिममा परेको देखिएको छ । मंगलबार बिहान एक महिलालाइ संक्रमण पुष्टी भए संगै तरहरामा हाल सम्म संक्रमण हुनेहरूको संख्या १० पुगेको छ ।
इटहरी पछि तरहरा पनि कोरोनाको उच्च जोखिममा परिसकेको पुष्टी भएको छ । दैनिक संक्रमितहरूको संख्या थपिनुले इटहरी र इटहरीकै वार्ड नं २० कोरोनाको उच्च जोखिममा परिसकेको छ ।