रौतहटका पुजारी हत्याको बिरोधमा सुनसरीमा ज्ञापन पत्र

सुनसरी । रौतहटमा गोली हानी पुजारीको हत्या गर्ने दोषिलाई कडा कारवाहीको माग गर्दै सुनसरीमा ज्ञापन पत्र बुझाइएको छ ।

वृहत सनातन महासंघ (प्रस्तावित) ले जिल्ला प्रशासन कार्यालय सुनसरीमा पुगेर शुक्रबार ज्ञापन पत्र बुझाएको हो । संयोजक युवा सन्त श्रीनिवासाचार्यले पुजारी हत्या घटनाको बिरोध सहितको ज्ञापन पत्र प्रजिअ फणिन्द्रमणि पोखरेल समक्ष बुझाएका हुन् ।

बुधबार माधव नारायण नगरपालिका वडा नम्ब २ खेसरहिया स्थित हनुमान मन्दिरका ६५ वर्षीय पुजारी श्रीराम साहको गोली हानेर हत्या भएको थियो ।

हत्यामा संलग्न दोषिहरुलाई कारवाहीको माग गर्दै धर्ममाथिको प्रहार सहयै नहुने ज्ञापन पत्रमा बताइएको छ । घटनाको निष्पक्ष अनुसन्धान गरी दोषी उपर कडा कार्वाही हुनुपर्ने वृहत सनातन महासंघ (प्रस्तावित) को ज्ञापन पत्रमा उल्लेख छ । त्यसैगरी ज्ञापन पत्रमा भनिएको छ, ‘धर्म गुरु, धार्मिक व्यक्तित्व र अनुयायीहरुको सुरक्षाको सवालमा सरकार गम्भिर हुन आवश्यक छ ।

सबैले निर्धक्क भएर बाँच्न र जीवनयापन गर्न पाउनु पर्छ ।’