सुनसरीमा पुनः सात दिन निषेधित क्षेत्र घोषणा

इटहरी । सुनसरीलाइ पुनः एकसाता निषेधित क्षेत्र घोषणा गरिएको छ । आइतबार जिल्ला प्रसाशनको कार्यालय सुनसरीमा बसेको बैठकले तेश्रो पटक म्याद थप गर्दै जिल्लालाइ पुनः ७ दिन निषेधित क्षेत्र घोषणा गरेको हो ।
अघिल्लो पटक थपिएको समय आज आइतबार राती १२ बजे सकिए पनि पुनः त्यसैलाइ निरन्तरता दिदै जिल्लालाइ थप ७ दिन बन्दाबन्दि गर्ने निर्णय गरेको छ । सुनसरीको स्थानीय तहहरूमा कोरोना संक्रमितहरूको संख्या बढदै गएकोले जिल्लालाइ थप ७ दिन निषेधित क्षेत्र तथा बन्दाबन्दी गर्ने निर्णय भएको जिल्ला प्रसाशनको कार्यालय सुनसरीले जनाएको छ । यो पटक भने अघिल्लो साता भन्दा कडाइका साथ नियमहरूको पालना गराउन स्थानीयतहहरुलाई प्रसाशनले अनुरोध समेत गरेको छ ।

जिल्लामा अति आवश्यक औषधि पसलहरू बाहेक सबै प्रकारका व्यापार व्यवसायहरू बन्द गर्न प्रसाशनले अनुरोध गरेको छ । त्यस्तै अति आवश्यकका ढुवानीका गाडी, प्रेस, एम्बुलेन्स, सरकारी गाडी, कुटनितिज्ञ लगायतका सवारीसाधनहरू बाहेक अन्यलाइ राजमार्गमा निस्कन प्रतिबन्ध लगाइएको छ ।