धरान । भन्सार छलि गरी ल्याइएको ८० बोरा तयारी खैनी (सुर्ती) सुनसरी जिल्ला प्रहरी कार्यालयले पक्राउ गरेको छ ।
मंगलबार बिहान भारतीय बजारबाट नेपाल तर्फ भन्सार छलि गरि ठुलो मात्रामा खैनी भण्डारण गरिएको भन्ने सुचनाको आधारमा प्रहरीले छापा मारेको थियो । प्रहरी निरिक्षकको नेतृत्वमा गएको टोलिले तयारी खैनी ५८ बोरा र खुल्ला खैनि २२ बोरा बरामद गरेको हो । सुनसरीको बर्जु गाउँपालिकाको वडा नम्बर ५ मा भण्डारण गरि राखएको अवश्थामा सुर्ति पक्राउ गरेको जनाएको छ । बरामद भएका सुर्तिको मुल्य स्थानीय बजार अनुसार ४ लाख रुपैया पर्ने प्रहरीले जनाएको छ । थप आवश्यक कारवाहीका लागि सुनसरी भन्सार कार्यालय कोशी ब्यारेज पठाइएको जनाएको छ ।
