_1693980289.gif "#")
विराटनगर । मोरङको धनपालथान गाउँपालिका वडा नम्बर २ पौठाबाट प्रहरीले चोरी निकासी गर्न लागिएको हरियो मटर बरामद गरेको छ ।
नेपालबाट भारततर्फ अबैध रुपमा चोरी निकासी गरी को. १ ख ४८८७ नम्बरको मिनी ट्रकमा ६२५० के.जी. मटर बरादम भएको जिल्ला प्रहरी कार्यालय मोरङले जनाएको छ ।
यसको मूल्य करिब ५ लाख रुपैयाँ भएको र गोप्य सूचनाको आधारमा सिमा प्रहरी चौकी मायागंजबाट प्रहरी टोली परिचालन भएको जिल्ला प्रहरी कार्यालयका प्रवक्ता डिएसपी मानबहादुर राईले जानकारी दिए ।
प्रहरी टोली पुग्न साथ उक्त हरीयो मटरसहितको मिनी ट्रक छाडी चालक फरार भएको र चालकको खोजी कार्य जारी रहेको बताइएको छ । बरामद भएको हरियो मटरसहितको ट्रक ईप्रका रंगेली ल्याई मुल भन्सार कार्यालय रानीमा पठाउने तयारी भएको राईले बताए ।
हरियो मटर धनपालथान गाउँपालिका वडा नं. २ बस्ने दिलिप साहको भन्ने प्रारम्भिक अनुसन्धानको क्रममा खुल्न आएको निज समेत फरार रहेकोले खोजतलास कार्य जारी रहेको प्रहरीले जनाएको छ ।
