_1693980289.gif "#")
धरान । सार्वजनिक सम्पत्ती हानी नोक्सानी मुद्दामा सर्दु र खर्दुको मुहानमा पाइपलाइन तोडफोड गर्ने हर्क साम्पाङ्लाइ सुनसरी जिल्ला अदालतले ५ दिन को म्याद थप गरेको छ भने खानेपानी संस्थानका प्रमुख राम कुमार श्रेष्ठ लाई पक्राउ पुर्जी आदेश गरेको छ । फुस्रे सिस्टममा सर्दु र खर्दुको खानेपानीको मुहान क्षेत्र तोडफोड गरेको आरोपमा पक्राउ साम्पाङलाइ प्रहरी ले मङलबार पक्राउ गरेको थियो । सार्वजनिक सम्पनि हानी नोक्सानीको मुद्धामा ५ दिनको म्याद थप गरि अनुसन्धान गरिरहेको इलाका प्रहरी कार्यालय धरानका डिएसपी ज्ञानेन्द्रबहादुर बस्नेतले बताए ।
धरान उपमहागरपालिका खानेपानी व्यवस्थापन बोर्डले मंगलबार बेलुका हर्क सामपाङ र खानेपानी संस्थानका रामकुमार श्रेष्ठलाई किटानी जाहेरी दिए पछि सामपाङ घरबाटै पक्राउ परेका थिए भने श्रेष्ठ फरार रहेका छन। यता फरार रहेका खानोपनी संस्थानका धरान प्रमुख श्रेष्ठलाई पनि पक्राउ गर्ने पुर्जी जारी गरेको छ । साम्पाङ सहितको टोलिलाइ श्रेष्ठले नै मुहान लिएर गएका थिए। उनकै रोहबर मा खानेपानी बोर्डले बिस्तार गरेको पाइपलाइन तोडफोड गरिएको थियो ।
डिएसपी बस्नेतले अदालतबाट उनलाई पनि पक्राउ अनुमति लिएको र श्रेष्ठको खोजी भइरहेको जानकारी दिए । मुहानमा बिछ्याइएको पाइपलाइनलाई गत आइतबार ४ बजेको समयमा साम्पाङ राई सहितको २५।३० जनाको समुहले तोडफोड गरेका थिए । त्यसबाट करीब डेढ लाख बराबरको क्षति भएको थियो ।
