_1693980289.gif "#")
विराटनगर । सनराईज बैंक विराटनगर शाखाकी एक कर्मचारीले बैंकको कार्यकक्षमै विष सेवन गरेकी छन् ।
विराटनगर–७ मा अवस्थित सनराइज बैंकको शाखा कार्यालयमा कार्यरत विराटनगर–८ की ३० वर्षीय सनाज खतिवडा बुधबार मुसा मार्ने बिष सेवन गरेको अवस्थामा फेला परेपछि उपचारको लागि नोबेल अस्पताल पठाइएको प्रहरीले जनाएको छ । उनी बैंकको कर्जा विभागमा कार्यरत हुन ।
उनले ‘लुवान’ नामक विषाधी सेवन गरेको बताइएको छ । मोरङ प्रहरीका प्रवक्ता डिएसपी मानबहादुर राईका अनुसार बिषादी सेवन गरेपछि बेहोस भएकी खतिवडालाई बैंकका कर्मचारीहरूले अस्पताल पुर्याएका थिए ।
घटनास्थलबाट प्रहरीले लुवान नामक विषादी र ब्लेड पनि बरामद गरेको छ । प्रहरीले बैंकको सिसी टिभी फुटेज झिकेर घटनाको अनुसन्धान सुरू गरिएको जनाएको छ । शव पोष्टमार्टमको लागि कोशी अस्पतालमा पठाइएको छ । मृतकको हात पनि ब्लेडले काटिएको अवस्थामा भेटिएको छ ।
