सुनसरी । ६ वर्ष अघि उदयपुर जिल्ला अदालतले ज्यान मार्ने मुद्धामा कैद सजाय फैसला गरेको फरार २ अभियुक्तलाई उदयपुर जिल्ला प्रहरी कार्यालयले पक्राउ गरी अदालतमा पठाएको छ ।
गत साउन ११ गते इलाका प्रहरी कार्यालय बेल्टारको टोलिले फरार अभियुक्तहरुलाई पक्राउ गरेको हो । २०७१ साल कात्तिक ९ गते जिल्ला अदालतले उदयपुरको चौदण्डीगढी नगरपालिकाको वडा नम्बर १ को भालुखोपका वर्ष २८ का धन बहादुर राई र वर्ष २५ का अमर राईलाई ज्यान मार्ने उद्योग मुद्धामा ५/५ वर्ष कैद सजाय सुनाएको थियो ।
सोही समय देखि दुवै अभियुक्त फरार रहेका थिए । घरमै लुकिछिपी बसिरहेको अवश्थामा विशेष सुचनाको आधारमा प्रहरीले घर बाटै पक्राउ गरि कैद भुक्तानका लागि जिल्ला अदालत उदयपुरमा बुझाएको हो ।
