_1693980289.gif "#")
सुनसरी । विभिन्न मुद्धामा फरार रहेका ३ जनालाइ जिल्ला प्रहरी कार्यलय उदयपुरले पक्राउ गरि सम्बन्धित निकायहरु मा सजाय भुक्तानका लागि पठाएको छ ।
प्रहरी ले विशेष सुचना को आधारमा उदयपुरमै लुकिछिपी बसेको अवस्थामा उनी हरुलाइ पक्राउ गरेको हो ।
प्रहरिको अनुसार सवारी ज्यान मुद्धा लागेका उदयपुर त्रियुगा नगरपालिका २ मथियाई बस्ने बर्ष २१ को अशोक भन्ने बाबुराम प्रधान, बहुबिबाह मुद्धा लागेका उदयपुर त्रियुगा नगरपालिका १६ बस्ने बर्ष ३५ को टंक बहादुर राई र लागू औषध मुद्धा का उदयपुर चौदण्डिगढी नगरपालिका ६ सिर्वानी बस्ने बर्ष २६ को अमिर राई पक्राउ परेका हुन् ।
सवारी ज्यान मुद्धामा फरार रहेका प्रधानले सिन्धुली जिल्लाको गोलन्जोर गा।पा।७ पलासे स्थितमा सवारी दुर्घटना गराई सवारी ज्यान मुद्दामा फरार रहेका थिए ।
उनलाइ पक्राउ गरि जिल्ला प्रहरी कार्यलय सिन्धुली पठाइएको जनाएको छ । त्यसै गरि २०६८ साल देखी बहु बिबाह मुद्दामा १० महिना १२ दिन कैद र ५ हजार रुपैया जरिवाना तोकिएको फरार राई उदयपुर जिल्ला अदालत पठाईएको छ ।
त्यस्तै २०७० चैत्र२५ गते सुनसरी जिल्ला अदालत बाट लागुऔषध मुद्धामा १३ दिन कैद तोकिएका फरार दोषी अमिर राईलाई पनि उदयपुर जिल्ला अदालत पठाईएको जनाएको छ ।
