धरान / लागुपदार्थ रुपमा प्रयोग गर्न सकिने फर्मुला औषधी सहित धरान ५ का सुबास राईलाई प्रहरीले पक्राउ गरेको छ ।
धरानको वडा नम्बर ५ स्थित देउराली बस्ने २७ वर्षिय राईलाई इलाका प्रहरी कार्यालय धरानले पक्राउ गरेको हो । प्रेस्कीप्सन बिना अवैध औषधी कारोबार गर्ने गरेको सुचनाको आधारमा प्रहरीले उनलाई विहिबार पक्राउ गरेको हो ।
उनको घरमा खानतलासी गर्दा कोठा भित्र टिनको बाकसमा लुकाएर राखेको अवश्थामा ट्रामाडोर हाइड्रोक्लोराइड लेखिएको ३ सय ८३ चक्की र स्पाज्मिड लेखिएको ३ सय २२ चक्की औषधी प्रहरीले बरामद गरेको हो ।
उनलाई थप अनुसन्धानका लागि सुनसरी जिल्ला अदालतबाट म्याद थप गरिएको छ भने बरामद औषधी आवश्यक कारवाहीका लागि औषधी व्यवस्था विभाग विराटनगर पठाइएको ईप्रका धरानका प्रमुख ज्ञानेन्द्र बस्नेतले बताए ।
