हतियार तस्कर र प्रहरी बिच गोलि हाना हान २ जना घाइते

 धरान : भारतिय हतियार तस्कर र प्रहरी बिच सुनसरीको देवानगन्ज गाउँपालिकाको पानि ट्याङकि नजिक गोली हाना हान भएको छ ।

प्रहरी र तस्कर बिच गोली  हाना  हान हुँदा २ जना तस्कर घाइते भएका छन् । घाइते भएका २ जनाको धरानस्थित बिपी कोइराला स्वास्थ्य विज्ञान प्रतिष्ठानमा उपचार भइरहेको छ । सुनसरीका प्रहरी उपरिक्षक कमल थापाका अनुसार उनीहरु हतियार तस्करी भएको बताए ।

तस्करलाई गोप्य सूचनाको आधारमा जेकजाँच गर्ने क्रममा गोली हानाहान भएको प्रहरी उपरिक्षक थापाले बताए ।

उनका अनुसार तस्करको समुह बिआर ३८ भि ३५२८ नम्बरको मोटरसाइकल र अनटेष्ट होण्डा साइन १२५ सिसिको मोटरसाइकलमा भारतीय क्षेत्रबाट हतियार लिएर आएका उनिहरुलाई प्रहरीले हतियार खोस्न थालेपछि प्रहरीमाथि तस्कर समूहले गोली चलाएको बताए । 

तस्करका साथबाट प्रहरीले एउटा पेस्तोल, छ राउन्ड गोली र दुई वटा म्याग्जिन बरामद गरेको छ ।

फरार भएका तीन जना भारततर्फ भागेकाको खोजी कार्य जारी रहेको जिल्ला प्रहरी कार्यालय सुनसरीले जनाएको छ ।