बडीगार्ड आत्महत्या प्रकरणः श्रीमती र प्रेमी पक्राउ

 इटहरी । गत असार १६ गते जिल्ला अदालतका न्यायाधीशका बडीगार्ड एवम् प्रहरी हवल्दार ओम प्रकाश खतिवडाले गरेको आत्महत्या प्रकरणमा  श्रीमती र उनका प्रेमिलाइ प्रहरीले पक्राउ गरी आत्महत्या दुरूत्साहन मुद्धा चलाइएको छ ।

मृतक खतिवडाले श्रीमती दीक्षा खतिवडाको चालचलन ठिक नभएको र परपुरूष संग अवैध सम्बन्ध रहेको जानकारी पाएर पटक पटक सम्झाउदा नलागेपछि अन्तत आफैले आत्महत्याको बाटो रोजेको प्रहरी अनुशन्धानबाट खुलेको छ ।

आत्महत्या दुरूत्साहन अन्तरगत श्रीमती खतिवडालाइ श्रीमानको काम सकेको १३ दिनमा पक्राउ गरिएको हो भने उनका प्रेमी उर्लाबारी ९ कै विशाल तामाङलाई आइतबार पक्राउ गरिएको जिल्ला प्रहरी कार्यालय सुनसरीका प्रहरी प्रमुख एसपी कमल थापाले बताए ।

प्रहरी नियन्त्रणमा रहेका दुवैजनालाइ आत्महत्या दुरूत्साहन अन्तरगत मुद्धा चलाइएको एसपी थापाले बताए । खतिवडाले १६ असारमा अदालत परिसरको छतमा आफैले बोक्ने पेस्तोलबाट कञ्चटमा गोली प्रहार गरी आत्महत्या गरेका थिए ।