भोजपुर । न्याय र कानुनको विषयमा सचेतना बढ्दै गए पछि भोजपुरमा जबरजस्ती करणीका मुद्धा पनि बढ्न थालेको छ ।
कानुनमा भएका व्यवस्थाको विषयमा जानकारी पाए पछि उजुरी दिनेको संख्या पनि बढ्दै गएको हो । पछिल्लो समय भोजपुरमा जबरजस्ती करणीका मुद्धाको उजुरी दिनेको संख्या पनि बढ्दै गएको पाइएको छ । जिल्ला सरकारी वकिलको कार्यालय भोजपुरको तथ्याङ्कअनुसार दर्ता भएका कूल मुद्दामध्ये ७० प्रतिशत भन्दा बढी बलात्कारसँग सम्बन्धित रहेका छन् ।
जिल्ला सरकारी वकिलको कार्यालयमा आएका फौजदारी र जिल्ला प्रशासनबाट आएका १ सय ५२ वटा मुद्दामध्ये ७० प्रतिशत जबर्जस्ती करणी सम्बन्धी मुद्धा रहेको कार्यालयले जनाएको छ । स्थानीयस्तरसम्म पुगेर विद्यमान कानूनमा भएको व्यवस्थाको विषयमा जानकारी दिएसँगै उजुरी दिनेको सङ्ख्या वृद्धि भएको निमित्त जिल्ला न्यायाधिवक्ता प्रमोद भट्टराईले बताए ।
उनका अनुसार कार्यालयमा आएका मुद्दामध्ये ७० प्रतिशत मुद्दा जबर्जस्ती करणीका मुद्दा रहेको र गत वर्षको तुलनामा बहुविवाहका मुद्दामा भने कमी आएको छ ।
