_1693980289.gif "#")
विराटनगर । मोरङको मंगलबारेका स्थानीयहरुले प्रदेश १ सरकारविरुद्ध अनिश्चितकालिन रिले अनसन सुरु गरेका छन् ।
मोरङको उर्लाबारी–३ मा अवस्थित मंगलबारे अस्पतालको नामको विषयलाई लिएर मंगलबारेमा विगत पन्ध्र दिनदेखि आन्दोलन चलिरहेको छ । प्रदेश १ सरकारले मंगलबारे अस्पतालको नाम मदन भण्डारी ट्रमा सेन्टर राखेर बजेट विनियोजन गर्ने जनाउ दिएसंगै स्थानीय विरोधमा उत्रिएका हुन ।
सङघर्स समितिले सोमबारदेखि मंगलबारे अस्पताल गेट अगाडि टेन्ट लगाएर रिले धर्ना सुरु गरेको छ । यसमा आन्दोलनकारी दलका प्रतिनिधिहरुसमेत सहभागी छन ।
नेपाली कांग्रेस उर्लाबारी, जनता समाजवादी पार्टी नेपाल, राष्ट्रिय प्रजातन्त्र पार्टी र मंच सम्वद्ध संघिय लिम्बुवान पार्टी नेपाल उर्लाबारी र मंगलबारेका युवा समुहसमे मिलेर बनाइएको संयुक्त संघर्ष समितिले दोस्रो चरणको आन्दोलनअन्तर्गत शान्तिपूर्ण रिले धर्ना शुरु गरिएको जनाइएको छ ।
प्रदेश १ को आर्थिक वर्ष २०७७-७८ को बजेटमा समेत मंगलबारे अस्पताललाई ट्रमा सेन्टरको रुपमा विकास गर्ने भन्दै बजेट विनियोजन गर्ने भनिएको छ । संघर्ष समितिका सचिव मात्रिका धिमालले स्थानीयबासी र दलको आन्दोलन अनि मागबारे सरकारले चासो दिई वार्ता गर्न तदारुकता नदेखाएको बताए ।
