_1693980289.gif "#")
विराटनगर । प्रदेश १ सरकारको आर्थिक वर्ष २०७७÷०७८ को नीति तथा कार्यक्रम बहुमतले पारित भएको छ ।
नेपाली कांग्रेसका तर्फबाट प्रमुख सचेतक केदार कार्की र सांसद शेखरचन्द्र थापाले राखेका संशोधन प्रस्ताव वहुमतले अस्विार गरेको थियो ।
संघीय समाजवादी पार्टीका सांसद जयराम यादवले गरेको संशोधन प्रस्ताव स्विकार गर्ने सरकारका तर्फबाट मुख्यमन्त्री शेरधन राईले जनाउ दिएपछि यादवले आफ्नो संशोधन प्रस्ताव फिर्ता लिएका थिए ।
कांग्रेसका प्रमुख सचेतकले संशोधन प्रस्तावहरु फिर्ता नलिएपछि वहुमतबाट ती प्रस्ताव अस्वीकृत गर्दै नीति तथा कार्यक्रम पनि वहुमतले पारित गरेको हो । सरकारको तर्फबाट प्रदेश प्रमुख सोमनाथ अधिकारी “प्यासी” ले सरकारको नीति तथा कार्यक्रम सदनमा प्रस्तुत गरेका थिए । उनले सम्बोधनको क्रममा सभामुखको साटो माननीय सांसद भनेर सम्बोधन गरेको विषयमा समेत कांग्रेसले आपत्ती जनाएको थियो । यसलाई कमजोरी भएको भन्दै मुख्यमन्त्री राईले स्विकार गरेका थिए ।
सदन संचालनमा सबै जिम्मेवारी सभामुखको हुने र सदन पनि उनी प्रति नै जवाफदेही हुने कानुनी व्यवस्था छ । तर, प्रदेश प्रमुखले सभामुखलाई सम्बोधन गर्नुको साटो ‘माननी सदस्य’ भन्दै नीति तथा कार्यक्रम पढेका थिए । उनले पहिलो सम्बोधनमा पनि मानीनय सभामखु ज्यू वा महोदय भन्ने सामान्य चलनको साटो ‘सभाका सभामुख’ मात्र भनेका थिए ।
शेरबहादुर देउवा सरकारले नियुक्त गरेका प्रदेश प्रमुख प्रा.डा.गोबिन्दबहादुर तुम्बाहाङलाई नेकपाको सरकारले गत कात्तिक १७ गते पदमुक्त गरी उनको स्थानमा प्यासीलाई नियुक्त गरेको थियो । सरकारले सातै प्रदेशमा नयाँ प्रदेश प्रमुखलाई नियुक्त गरेको थियो ।
