लकडाउनका लाई प्रभावकारी बनाउन नेपालगञ्जमा घोषणा भएको निषेधित क्षेत्रको अवज्ञा गर्दै बाहिर निस्किएका स्थानीय व्यापारी र प्रहरी बिच मंगलबार झडप भएको छ ।
नेपालगञ्ज उपमहानगरपालिकामा बजार बन्द गराउने क्रममा त्रिवेणी मोडमा खाद्यान्न व्यापार गर्दै आएका रवि गुप्ताले पसल खोल्न पाउनुपर्ने भन्दै प्रहरीमाथि हातपात गरे पछि झडपको अवश्था शिर्जना भएको थियो । सुरक्षाकर्मीलाई हातपात गरेपछि प्रहरीले उनलाई पक्राउ गर्न लाग्दा अन्य व्यापारीले अवरोध पुर्याउन खोजेको कारण प्रहरी र स्थानीय व्यापारीबीच झडप भएको हो । झडपमा व्यापारी समूहले वडा प्रहरी कार्यालयको गाडी तोडफोड गरेका छन् । व्यापारीले गाडीको सिसा फुटाइदिएको प्रहरीले जनाएको छ ।
प्रशासनले नेपालगंज उपमहानगरपालिकाका विभिन्न बजार मंगलबार बिहान ११ बजेदेखि वैशाख २५ गते रातिसम्मको लागि निषेधित क्षेत्र घोषणा गरिसकेको छ ।
