एकै दिन १५ जनामा कोरोना संक्रमित भेटिए पछि नेपालगञ्जमा ३ दिनका लागि कर्फ्यु लगाइएको छ ।
प्रशासनले कोरोना भाइरस संक्रमणलाई न्यूनिकरण गर्न र संक्रमितहरुको कन्ट्रयाक ट्रेसिङ र स्वाब परीक्षणलाई प्रभावकारी बनाउन तीन दिनसम्म सर्वसाधारणलाई घरबाहिर निस्कन निषेध गरेको हो । सोमबार प्रमुख जिल्ला अधिकारी कुमारबहादुर खड्काको संयोजकत्वमा जिल्ला प्रशासनमा बसेको सर्वपक्षिय बैठकबाट कर्फ्यू लगाउने निर्णय गरिएको थियो ।
निषेधित क्षेत्र अन्तरर्गत यही बैशाख २३ गते बिहान ११ बजेदेखि लागु हुनेगरि वैशाख २५ गते मध्यरातीसम्मका लागि नेपालगन्जलाई निषेधित क्षेत्र घोषणा गरिएको प्रशासनद्वारा जारी विज्ञप्तीमा उल्लेख छ । यो अवधिमा स्वास्थ्यकर्मी, सुरक्षाकर्मी, कन्ट्रयाक्ट ट्रेसिङ र स्वाब संकलन कार्यमा खटिने जनशक्ति बाहेकलाई घरबाहिर ननिस्कन पनि प्रशासनले अपील गरेको छ । मंगलबारदेखि तीन दिनसम्मका लागि कर्फ्यू लगाइएको छ ।
