सुनसरी/ सुनसरीको इनरुवाबाट लागूऔषध ब्राउन सुगरसहित एक युवक पक्राउ परेका छन्।
जिल्ला प्रहरी कार्यालय सुनसरीबाट खटिएको प्रहरी टोलीले बिहीबार राति ११ः२५ बजे इनरुवा नगरपालिका–३ स्थित महेन्द्र चोकमा शंकास्पद अवस्थामा रोकिराखेको मोटरसाइकल जाँच गर्ने क्रममा युवकलाई पक्राउ गरेको हो।
प्रहरीका अनुसार को ३१ प ८९८६ नम्बरको मोटरसाइकल चालक इटहरी उपमहानगरपालिका–५ निवासी २६ वर्षीय नवीन कार्कीको खानतलासी गर्दा (.४८ ग्राम ९४८० मिलिग्राम) ब्राउन सुगर फेला परेको थियो।
प्रहरीले उक्त पदार्थ र मोटरसाइकलसहित कार्कीलाई नियन्त्रणमा लिएर जिल्ला प्रहरी कार्यालय सुनसरीमा राखेको छ।
घटनाबारे थप अनुसन्धान भइरहेको प्रहरीले जनाएको छ।
