- फाइल तस्बिर
धरान/ मोरङको केराबारी गाउँपालिका–८ मा रोटेपिङ खेल्ने क्रममा लडेर आठ वर्षीय बालक गम्भीर घाइते भएका छन् ।
स्थानीय दुर्गा मन्दिरमा रहेको रोटेपिङ खेल्ने क्रममा केराबारी–८ का चन्द्र खड्काका छोरा सार्थक खड्का शुक्रबार साँझ लडेर घाइते भएका हुन् ।
प्रहरीका अनुसार शुक्रबार साँझ करिब ५ बजे रोटेपिङबाट लडेका बालकको टाउको, छाती र अनुहारमा चोट लागेको छ ।
घाइते बालकलाई उपचारका लागि विराटनगरस्थित विराट नर्सिङ होममा ल्याइएको छ । अस्पतालका अनुसार उनको अवस्था गम्भीर छ ।
घटनाबारे थप अनुसन्धान भइरहेको प्रहरीले जनाएको छ ।
