सागेतिक तस्बिर
धरान/ धरान–१७ को रेल्वे क्षेत्रमा बिरामी अवस्थामा फेला परेका एक पुरुषको उपचारका क्रममा मृत्यु भएको छ।
प्रहरीका अनुसार असोज ३ गते साँझ करिब ७ः३० बजे रेल्वे क्षेत्रमा मागी खाई डुल्दै आएका ती पुरुषलाई धरान उपमहानगरपालिकाको नगर प्रहरी टोलीले बिरामी अवस्थामा फेला पारेको थियो।
नगर प्रहरीले उनलाई उपचारका लागि बीपी कोइराला स्वास्थ्य विज्ञान प्रतिष्ठान घोपा पुर्याएको थियो।
प्रतिष्ठानमा उपचाररत उनको असोज ४ गते दिउँसो ३ः३३ बजे मृत्यु भएको अस्पतालमा खटिएका प्रहरीले इलाका प्रहरी कार्यालय धरानलाई जानकारी गराएका थिए।
त्यसपछि इलाका प्रहरी कार्यालय धरानबाट प्रहरी निरीक्षक बिनालाल साह तेलीको कमाण्डमा सोकोसहितको टोली घटनास्थल तथा अस्पताल पुगेको थियो।
मृतकको शव प्रतिष्ठानकै शवगृहमा राखिएको थियो। सुरुमा नामथर र वतन खुल्न नसकेका ती पुरुषको मिति २०८३/०६/ १३ गते मंगलबार मृतककि छाेरीले पहिचान गरेपछि अनुसन्धानका क्रममा उदयपुरको ताप्ली गाउँपालिका–४ निवासी ८२ वर्षीय छबिलाल नेपालीका रूपमा खुलेको प्रहरीले जनाएको छ।
उनको पहिचान छोरी थानकुमारी नेपालीबाट खुलेको प्रहरीले जनाएको छ।
