_1693980289.gif "#")
झापा/ भारतको पानीट्याङ्की हुँदै अनधिकृत रूपमा नेपाल प्रवेश गर्न खोजेका एक बंगलादेशी नागरिकलाई प्रहरीले झापाको मेचीनगरबाट पक्राउ गरेको छ।
प्रहरीका अनुसार शुक्रबार दिउँसो १२ः४५ बजे मेचीनगर नगरपालिका–६ गैरीगाउँस्थित मेची खोलाको बाटो हुँदै भारतबाट नेपालतर्फ गैरकानुनी रूपमा प्रवेश गरिरहेका बंगलादेशी नागरिक ३३ वर्षीय एमडी सैफुल इस्लामलाई इलाका प्रहरी कार्यालय काँकरभिट्टाको टोलीले नियन्त्रणमा लिएको हो।
बंगलादेशको चाँदपुर जिल्लास्थित तुलाटोली कचुवा मनोहरपुर–३६३० निवासी सैफुल इस्लाम वैध राहदानी बोकेर हिँडिरहेको अवस्थामा फेला परेका थिए।
उनलाई नियन्त्रणमा लिएर इलाका प्रहरी कार्यालय काँकरभिट्टामा ल्याई आवश्यक अनुसन्धान गरिएको प्रहरीले जनाएको छ।
पक्राउ परेका बंगलादेशी नागरिकलाई थप कानुनी कारबाहीका लागि अध्यागमन विभाग, काठमाडौं पठाइएको प्रहरीले जानकारी दिएको छ।
