_1693980289.gif "#")
काठमाडौ/ चलचित्र निर्देशक समाजको अध्यक्षमा अरुणकुमार प्रधान निर्वाचित भएका छन् ।
मंगलबार सम्पन्न निर्वाचनको अन्तिम परिणामअनुसार प्रधानले आफ्ना प्रतिद्वन्द्वी जनकदीप पराजुलीलाई भारी मतान्तरले पराजित गरेका हुन् ।
कुल १५९ मत खसेको निर्वाचनमा प्रधानले १०९ मत प्राप्त गरे भने पराजुलीले ४६ मत मात्र पाए ।
दुई उपाध्यक्ष पदमा सुवास गजुरेल र दीपक वली निर्वाचित भएका छन् । गजुरेलले ९५ मत र वलीले ७१ मत प्राप्त गरे ।
महासचिव पदमा समुन्द्र भट्ट १०६ मतसहित विजयी भएकी छन् । उनका प्रतिस्पर्धी कमल एक्चै मगरले ४७ मत प्राप्त गरे ।
त्यसैगरी, सचिव पदमा राजबहादुर साने ८० मतका साथ निर्वाचित भएका छन् । सचिव पदका अन्य उम्मेदवारमध्ये अमर ओलीले ४६ र दिनेश लिङ्देनले २८ मत प्राप्त गरे ।
कोषाध्यक्ष पदमा जनक खड्का निर्विरोध निर्वाचित भए भने सहकोषाध्यक्षमा उत्सव केसी ६७ मतसहित विजयी भएका छन् ।
समाजको सदस्य पदमा लक्ष्मण सुवेदी, लक्ष्मण सुनार, साकार पन्त, अमरदीप सापकोटा, शिव शर्मा कँडेल र हस्तबहादुर लिम्बू निर्विरोध निर्वाचित भएका छन् ।
