_1693980289.gif "#")
वराहक्षेत्र/वराहक्षेत्र नगरपालिकामा क्रियासिल चक्रघट्टी जेसीजले जेसीज सप्ताह - २०२६ सुरु गरेको छ ।
वराहक्षेत्र नगरपालिका वडा नं ३ हर्दियामा रहेको बिपि आधारभुत बिद्यालयका बिद्यार्थीहरुलाई
शैक्षिक सामग्री वितरण गर्दै चक्रघट्टी जेसीजले जेसीज सप्ताह सुरु गरेको हो । साप्तह कार्यक्रम अन्तर्गत स्वागत गेट निर्माण , भित्ते पात्रो सार्वजनिक , सचेतना मुलक कार्यक्रम, मैत्रीपुर्ण फुटबल लगायतका कार्यक्रम आयोजना गरिने चक्रघट्टी जेसीजका महासचिव शिशिर तामाङ्ग ( अर्जुन) ले बताए ।
चक्रघट्टी जेसीजका अध्यक्ष जेसी शरण कुमार लिम्बूको सभाध्यक्षतामा आयोजना भएको जेसीज सप्ताह अन्तर्गतको पहिलो शैक्षिक सामाग्री बितरण कार्यक्रमको प्रमुख अतिथि वराहक्षेत्र नगरपालिका वडा नं. ३ का अध्यक्ष राजदिप लामा रहेका थिए ।
जेसीज सप्ताह अन्तर्गतको सुभारम्भ कार्यक्रममा बिपि आधारभुत बिद्यालयका सम्पुर्ण बिद्यार्थीलाई कपि , कलम , पेन्सिल लगायतका सामाग्री बितरण गरिएको कार्यक्रम संयोजक चक्रघट्टी जेसीजका उपाध्यक्ष अमीत साहले बताए ।
कार्यक्रममा चक्रघट्टी जेसीज वर्ष २०२३ का अध्यक्ष तेज बहादुर पुरी लगायत बोर्डका पदाधिकारीहरु, विद्यालय व्यवस्थापन समितिका अध्यक्षअशिलाल धामी, शिक्षक, शिक्षिकाहरु, कर्मचारी, अभिभावकहरुको उपस्तिथि रहेको थियो ।
