सुनसरी/ मध्यरातमा गरिएको सवारी चेकजाँचका क्रममा प्रहरीले ठूलो परिमाणमा प्रतिबन्धित लागूऔषधसहित दुई जनालाई पक्राउ गरेको छ।
मिति २०८३ साल वैशाख ३ गते बिहान करिब १:१० बजे बराहक्षेत्र नगरपालिका–३ स्थित कालिन्द्र सामुदायिक वन नजिक पकली–चतरा सडकखण्डमा अस्थायी प्रहरी चौकी नडाहाबाट खटिएको टोलीले शंकास्पद मोटरसाइकल रोकेर जाँच गरेको थियो।
पकलीबाट उदयपुरतर्फ जाँदै गरेको स १० प ४५१० नम्बरको मोटरसाइकलमा सवार उदयपुर चौदण्डीगढी–६ का २६ वर्षीय राज राई र २७ वर्षीय खुसे राईलाई जाँच गर्दा उनीहरूले बोकेको झोलाभित्र लुकाइएको अवस्थामा ठूलो परिमाणमा लागूऔषध फेला परेको प्रहरीले जनाएको छ।
प्रहरीका अनुसार झोलाबाट त्च्ब्ःब्म्इी १६१० क्याप्सुल र SPASPAIN १६०९ ट्याब्लेट बरामद गरिएको हो।
पक्राउ परेका दुवै जनालाई मोटरसाइकलसहित नियन्त्रणमा लिई इलाका प्रहरी कार्यालय महेन्द्रनगरमा राखी थप अनुसन्धान भइरहेको प्रहरीले जनाएको छ।
