_1693980289.gif "#")
इटहरी/ नेपालका लागि टिभिएस ब्रान्डको आधिकारिक वितरक जगदम्बा मोटर्स प्रा.लि. द्वारा आयोजित ‘टिभिएस एक्सचेञ्ज म्यानिया’ मेला भोलि (शुक्रबार) सम्पन्न हुँदैछ।
इटहरी पश्चिम लाइनस्थित राजस्व ढाटमा चैत १ गतेदेखि सञ्चालनमा रहेको मेलाले छोटो समयमै उत्साहजनक सफलता हासिल गरेको छ।
पाँच दिनको अवधिमा ९० भन्दा बढी सवारीसाधन बिक्री भइसकेका छन् भने पुराना सवारी साटेर नयाँ किन्ने ग्राहकको उल्लेख्य सहभागिता देखिएको आयोजकले जनाएको छ।
आयोजकका अनुसार, जुनसुकै कम्पनीका पुराना बाइक ल्याउँदा ग्राहकले उच्चतम मूल्याङ्कन, विशेष छुट, सहज किस्ताबन्दी सुविधा र इन्जिनमा आजीवन वारेन्टीसम्म पाउने व्यवस्था गरिएको छ। पुराना सवारीको मूल्य निर्धारणका लागि अनुभवी भ्यालुएटर परिचालन गरिएकोले प्रक्रिया पारदर्शी र विश्वसनीय बनेको दाबी गरिएको छ।
मेलामा सहभागी ग्राहकहरूले बजार मूल्यभन्दा सहुलियत दरमा नयाँ सवारी खरिद गर्न पाउँदा सन्तुष्टि व्यक्त गरेका छन्। साथै, आकर्षक उपहार प्याकेजले मेलाको आकर्षण झनै बढाएको छ।
इटहरी, धरान, इनरुवा र दुहबीसहित पूर्वी क्षेत्रका ग्राहकका लागि यो मेला विशेष अवसर बनेको छ। आयोजकले भोलि अन्तिम दिन भएकाले इच्छुक ग्राहकलाई समयमै उपस्थित भई उपलब्ध सुविधाको अधिकतम लाभ लिन आग्रह गरेको छ।
