धरान/ सुनसरी जिल्लाको धरान उप–महानगरपालिका वडा नं. १० सेवालुङ चोकमा प्रहरीले भैरहेको लागूऔषध कारोबारमा दुई जनालाई नियन्त्रणमा लिएको छ।
मिति २०८२।११।०१ गते बिहान ०९:४५ बजे अस्थायी प्रहरी चौकी श्यामचौकबाट खटिएको टोलीले सन्दिप राईको कोठामा चेकजाँच गर्दा ट्रामाडोल २०८ क्याप्सुल र स्पास्पेन २०८ ट्याब्लेट फेला पारेको छ।
साथै, कारोबारमा संलग्न भुमिका बर्देवालाई समेत पक्राउ गरी इलाका प्रहरी कार्यालय धरानमा अनुसन्धान जारी रहेको प्रहरीले जनाएको छ।
प्रहरीका अनुसार घटनामा संलग्न अन्य व्यक्तिको पहिचान तथा लागूऔषध आपूर्ति शृङ्खला अनुसन्धान भइरहेको छ।
