_1693980289.gif "#")
धरान/ धरान खेलकुद महोत्सव–२०८२ को समापन समारोहका अवसरमा आयोजक धरान खेलकुद मञ्चले धरान–१२ स्थित सुनाखरी एकेडेमीका प्रिन्सिपल मिलन कुमार राईलाई आईतवार सम्मान गरेको छ।
धरानमा विशेषगरी फुटबल र कराते खेलको विकासमा सुनाखरी एकेडेमीले पुर्याएको योगदानको कदर गर्दै कार्यक्रमका प्रमुख अतिथि धरान–१६ का वडा अध्यक्ष मुरारी भट्टराई र धरान खेलकुद मञ्चका अध्यक्ष एवं एन्फाका केन्द्रीय मानार्थ उपाध्यक्ष किशोर राईले नगद, सम्मानपत्र र दोसल्ला ओढाएर सम्मान गरेका हुन्।
सुनाखरी एकेडेमीले कराते विधामा राष्ट्रिय तथा अन्तर्राष्ट्रिय प्रतियोगितामा विद्यार्थीहरू सहभागी गराउँदै उल्लेखनीय सफलता हासिल गर्दै आएको छ। विद्यालयमा कराते प्रशिक्षणका लागि प्रशिक्षकसमेत व्यवस्था गरिएको छ।
यसैगरी, गत महिना धरान–१७ स्थित एन्फा एकेडेमीको खेलमैदानमा ‘सुनाखरी एकेडेमी कप–२०८२’ (सिजन–१) सुनसरी जिल्ला स्तरीय फुटबल प्रतियोगिता भव्य रूपमा सम्पन्न गरेको थियो। उक्त प्रतियोगितामा उपाधि विजेताले ५० हजार रुपैयाँ पुरस्कार प्राप्त गरेका थिए।
यस प्रतियोगिताले राष्ट्रियस्तरका खेलाडी उत्पादनमा राम्रो आधार तयार गरेको विश्वास गरिएको छ।
सम्मानित भएपछि प्रिन्सिपल राईले यस सम्मानले आगामी दिनमा अझ जिम्मेवार र समर्पित भएर अघि बढ्न प्रेरणा मिलेको बताए।
