धरान/ धरान–१२, चतरालाईन स्थित सुनाखरी एकेडेमीले प्रथम सुनाखरी कप–२०८२ को विजेता टिम सुनाखरी रेडलाई विद्यालय प्राङ्गणमा विशेष समारोहमार्फत सम्मान गरेको छ।
स्कुलका निर्देशक प्रदीप राई, प्रिन्सिपल मिलन कुमार राई तथा प्लस–टुको संयोजक तप कुमार राईले विजेता खेलाडीहरूलाई अबिर र खदा लगाएर सम्मान प्रदान गरे।
प्रिन्सिपल राईका अनुसार, यस्तो सम्मानले विद्यार्थीहरूलाई आगामी दिनमा उत्कृष्ट प्रदर्शन गर्न प्रेरित गर्ने उद्देश्य रहेको छ।
मङ्सिर ७ गतेदेखि सञ्चालन भएको प्रतियोगिताको फाइनल खेल मङ्सिर १७ गते एन्फा एकेडेमी मैदानमा सम्पन्न भएको थियो, जहाँ सुनाखरी रेडले नेपाल पुलिस स्कुललाई टाईब्रेकरमा ३–१ गोलले पराजित गर्दै उपाधि जितेको थियो।
यसैगरी, सोही अवधिमा सम्पन्न सुनाखरी २.५ किलोमिटर रनिङ प्रतियोगिताका सिनियर र जुनियर विजेतालाई पनि नगद सहितको पुरस्कार प्रदान गरिएको विद्यालयले जनाएको छ।
