बिराटनगर/ मोरङको बिराटनगर महानगरपालिका–१७ मटेरुवा क्षेत्रबाट स्रोत नखुलेको अवैध रकमसहित एक युवक पक्राउ परेका छन्।
मंसिर १७ गते कोशी प्रदेश प्रहरी कार्यालयको प्रादेशिक अनुसन्धान समूह (PIT) बाट खटिएको टोलीले भारतबाट नेपालतर्फ आउँदै गरेको को २४ प ७९८४ नम्बरको मोटरसाइकल रोकी चेकजाँच गर्दा रकम फेला पारेको हो।
बिराटनगर–१८ का रवि शाहले साथमा लुकाएर राखेको ६ लाख ४९ हजार ५ सय रुपैयाँ बरामद गरिएको प्रहरीले जनाएको छ। शाहलाई नियन्त्रणमा लिएर इलाका प्रहरी कार्यालय रानीमा आवश्यक थप अनुसन्धान जारी रहेको प्रहरीले जानकारी दिएको छ।
