_1693980289.gif "#")
सुनसरी/ सुनसरीको इनरुवा नगरपालिका–७ चाँदवेलामा सशस्त्र प्रहरीले चलाएको विशेष अपरेसनबाट डेढ क्विन्टलभन्दा बढी गाँजा बरामद भएको छ ।
ठूलो परिमाणको अवैध पदार्थसहित एक युवक पक्राउ परेका छन् ।
बिहीबार बिहान दक्षिणतर्फ गइरहेको बा १५ च २१७३ स्कारपियो र को २७ प ८३३१ मोटरसाइकल चेकजाँचका क्रममा प्लास्टिकका प्याकेटमा बेरिएको १ क्विन्टल ५३ किलो गाँजा फेला परेको सशस्त्र प्रहरी नायब महानिरीक्षक तथा प्रवक्ता मनिष थापाले जानकारी दिए ।
चाँदवेलाबाट खटिएको सशस्त्र प्रहरी बल नेपाल बोर्डर आउट पोष्ट साहेवगञ्जको टोलीले अपरेसन सञ्चालन गरेको थियो । नियन्त्रणको क्रममा एक राउण्ड हवाई फायर समेत गर्नुपरेको प्रहरीको भनाइ छ ।
गाँजा लोड गरिएको स्कारपियोका चालक २० वर्षीय आदित्य चौधरी पक्राउ परेका छन् भने मोटरसाइकल चालक फरार छन् । बरामद गाँजा, गाडी र मोटरसाइकलसहित चौधरीलाई आवश्यक कारबाहीका लागि सम्बन्धित निकायमा बुझाउने तयारी भइरहेको प्रहरीले जनाएको छ ।
